Shadid thandi ka mousam tha. Aasman se lekar jameen tak kali fiza chayi hui thi. Insaan se lekar janwar bhi us thand se kapkapa rahe the, log us thand se bachne ke liye mote, mulayam bistar me ghuse hue the, thandi hawa ko rokne ke liye gharon ko band kar rakha tha, jisse ki unhen wo thandi hawa bimaar na karde lekin shayad....... Unhen ye khayal lamhon ko bhi nhi aaya ki koi gareeb or besahara bhi hoga, shayad uske pass chader na ho ya shayad ghar hi....!

      Amma aaj itna andhiyara kyun hai in raston me....? Sakib apni maa ka hath pakde unki taraf dekh kar pucha.

    Kyunki beta aaj bahut zooron ki thand hai shayad kal se bhi zyada or isiliye log apne gharon me hai or apni khidki bhi band kiye hai or ye battiyan bhi koi dekhne wala nhi hai shayad. Amma ne kahte kahte chal rahe viraan raston ko mehsoos kiya jahan kuch kutte soye huye the, kuch bhounk rahe the. Baki bilkul sunsaan.......

   Achaaaaa......... Sakib ne samjhne wale andaaz me bola. 

  To amma hamara ghar kyu nhi hai...? Kuch roz pahle app neem ke ped wale chabutare par sote thi or ab is dukaan ke aage..... Aakhir hamara ghar kyu nhi hai? Sakib dukhi ke sath pareshaani se pucha.

   Kyuki aapke papa ne hame nikaal diya. Ab hame koi nhi rakhega. Hum gareeb hai, or hamare pass paise nhi hote so hum logon se mangte hai isliye log hame gareeb, bhikhari, or ganda samjhte hai. Wo kahne ke sath hi apna aansu pochi thi. Kuch dard kuch gam shayad aurton ke liye hi bane hai. Pahle unhen unka shohar nikaal deta hai phir samaj. 

    Sakib hayraani se bas apni maa ko takta raha. 7 saal ka tha, akal kam thi warna shayad apni maa ka gam bant leta. 

    Acha chalo aao idhar so jao. Woh gandi-saili aurat apne jaise pyare bachche ko apne kareeb karti choti si chadar me lapet kar so let jati hai. 

     Kuch der sakib raston or galion me fhaile andhere ko dekhta raha rha phir ekdam se bola.....

    Amma pta hai bada hokar na main bhi apna ek bada sa ghar banaunga. Bilkul baba ke ghar jaysa. Lekin...... Uski khidki khol dunga taki itna andhera na rahe sare raston me. Sakib in andheron se dar raha tha shayad isiliye bolta gya 

   Are amma aap ro kyu rahi hai....? Bataye amma aapko baba yaad aa rahe.... Dekhe amma unhone apko mara hai unhen hargis yaad na kare or roye bhi nhi. Sakib rohasa ho gya. 

    Nhi beta.... Main kisi ko nhi yaad kar rahi jayse sab mujhe bhool gye main bhi bhool gyi. Woh bas zara meri tabiyat theek nhi lag rahi. Amma ne aanson ko dhire se puch liya. 

     Are hnnn... Amma apki chader piche se khuli hai. Aapki pith theek se dhak nhi payi. Sakib uth kar piche jhakta hai. 

     Chup karke so jao warna ab main maar dungi. Amma naraz ho jati hai. Aaj shayad thand ki wajah se tabiyat kuch zyada hi kharab lag rahi thi lekin chader choti thi... Wo kaise us chader ko sakib se lekar khud odh leti...., 

   Ya allah meri or sakib ki salamti rakhna.... Aaj pta nhi kyu tabiyat kuch zyada hi buri lag rahi. Pta nhi kyu ayse lag raha jayse subha ko ab kabhi uth hi na paun..... Woh phir se gire aanson jaldi se saaf kar leti hai taki sakib na dekh le. 

               ******************

     Kalb e momin aaj har rooz ki tarha aaj bhi apne darwaze par zaroorat ka saman lekar khada tha. Raat ke 12:00 bajne wale the. Wa Sare zaroorat ke saman gadi me bharta apne hath malne laga. Usne mehsoos kiya shayad aaj har rooz se zyada hi thand hai jisse ki usne apne kapde or tide kar liya.

     Kalb e momin ek alag shaksiyat ka insaan tha. Use raaton me nind nhi aati thi. Bachpan ke kuch arse baad hi use raaton me nind aana band ho gyi. Wah puri raat jagta rahta. Uske ghar wale bhi is baat se kafi paresaan rahte the. Usi douraan usne mehsoos kiya keh shayad wo is liye raton me nhi so pata kyuki shayad Allah ne use raaton ka sipahi bna kar bheja hai. Wo shayad raaton me un logon ki madad kar sakta h jise koi nhi puchta, koi nhi dekhta. 

    Itna ahsaas hona tha keh woh har raat zaroorat ka saman lekar nikal jata. Ek bade khandaan ka beta tha, Paison ki kami nhi thi, so usne 7 saal ki hi umar me hi ye kaam shuru kar diya. Wah tab se raaton me raston me chalta rahta, dekhta rahta, un besaharon ko dhunda karta jise kisi ke sahare ki zaroorat hai. Aur beshak use ya kaam din ba din or zaroori lagna laga jab use rahon me beshumaar log bahut buri or lachaar halat me bhuke, beghar or bimaar milne lage. 

        Kalb e momin ne mehsoos kiya keh shayad aaj mousam me thand ke sath udasi bhi bahut hai. Usne kai kambal or khane ka saman logon me farokhat kar diya tha lekin fhir bhi dil ko sukoon nhi mil raha tha. Use phir bhi lag raha tha kuch choot rha hai. 

     Raasta chalte use aaj phir ek rikshe wala mout ki nind sota hua mila. Dil tut ke rah gya uska. Kalb e momin ne uske ghar ka pta karwa ke madad karne ka zimma khud par liya. 

     Aage chalte chalte use kai bimaar mile jise Kalb e momin me dawa or khana diye. Wah logon ko paise nhi deta tha. Kyu nhi deta tha woh khud nhi jaan paya tha. 

     Saman farokhat karte karte subha hone ko aai thi. Fajar ki Azan se pahle hi wah ghar rawana ho jata or namaz ada karta. Lekin aaj ghar jane ko dil nhi chah raha tha. Use lag rha koi chut raha hai, koi hai jise uski zaroorat hai. 

     Chalte chalte fajar ki azan hone lagi lekin ab bhi usne wapsi na rasta tay nhi kiya tha. 

     Achanak hi uski nazar samne dukaan ke aage so rahe afraat par padi. Usne gour kiya keh ek aurat  so rahi hai lekin chadar choti hone ki wajah se uski pith khuli hui hai. Beshak zameen baraf bani hui thi or unke pass bister hi nhi tha. Woh tezi se unke pass pahucha. 

    Sune........! Kalb e momin ne dhire se unhen awaz di. 

    Ji.... Aap kon? Kuch deer bad ek chota sa bacha chader se apna thoda sa muhh nikaal kar aadhi nind se pucha. 

     Main Kalb e momin. Logon ki madad karne wala allah ka momin. Kalb e momin ke mukura kar apna tarruf karaya or wahi baith kar bate karne laga. 

      Or tum....? 

       Bacha chader se pura nikal kat dekhne laga.

      Main sakib....

      Acha sakib aap to bahut pyare ho.... Kalb e momin ne dil se ye bat kahi thi kyu ki waqai me wah use bahut pyara laga tha. 

      Vese app logon ka bister bahut chota nhi.....or shayad isi wajah se aapke sath so rahi bibi puri tarha dhak bhi nhi payi. 

     Hann.....sakib bechargi se bola. 

     Or mere pass ke sare kambal bhi khatam ho gye.... Kalb e momin pur soch andaz me bachchon jaysa muh bna kar sakib ko dekhne laga. 

     Acha tum aysa karo ye lo. Kalb e momin apni gadi se khane ka ek packed nikal kar use deta hai. Tum ise khao main tumhen kambal bhi dunga or rahne ko jagah bhi. Kalb e momin muskura kar use dekhne laga. 

       Acha...! Wo kyu.....? Sakib packed ki taraf dekh kar puchne laga. 

      Kyuki tum mujhe bahut pasand aaye. Shayad har raat, har halat, har log se zyada isiliye. Kalb e momin ne kahte huye uske kandhe par halke se hath mara. 

     Amma dekhe ye kya laye hai hamare liye. Sakib packed ko apni amma ko dikhane ke liye jagane laga. 

       Ammah.....!! Sakib dar gya uski ammah uth nhi rahi thi. 

     Kalb e momin ne bhi bahut koshish ki lekin wah nhi uthi. Sakib aankh me aansoo liye Kalb e momin ki taraf dekhne laga. 

     Kalb e momin sahem sa gya. Wah kaise batata ki uski amma ab is duniya me nhi rahi. Use chod kar chali gyi hamesha ke liye. 

     Ab main akela kaise rahunga. Meri amma to chod ke chali gyi mujhe. Lekin main baba ke pass bhi nhi jaunga unhone hame to ghar se nikal diya tha. Sakib bada bahadur tha wah bahut himmat se kaam le raha tha. 

   Maine amma ko kaha bhi tha ki main bada hokar ghar banaunga, ab kaise banega ghar, main kahan jaunga.....? Amma uth jaye, bus uth jaye. 

     Kalb e momin sakib ki baton ko bus sunta raha. Uske jism se jayse aaj ruh nikal gyi thi. Use aaj har din se zyada takleef ho rahi thi. Wah ghutno ke bal baith kar rone laga. 

     Kya tum mere sath chaloge....? Kalb e momin ne uske samne hath badha kar pucha. 

    Nhi......! Amma kahti h hum gareeb hai, log hame bhikari kahte hai, aap dekhne se ameer lagte hai main aapke sath kaise....... 

     Nhi tum bahut pyare ho, bahut hi pyare...... Kalb e momin ne uski bat ko bich me hi kat di or apne dono hathon se apna aanson saaf karke bola... 

    Hath do apna....wah sakib ka hath pakad kar khada ho gya. 

    Ab tumhe koi gareeb nhi kahega, tum jo kahoge, jaysa kahoge main tumhara kaam karunga pakka. Kalb e momin uske aage jhuk kar uski aankh me dekh kar bola. 

     Mujhe kuch nhi chahiye. Mujhe bus aapke jaysa banna hai. Main bhi aap ki tarha logon ki madad karna chahta hun. Sakib Kalb e momin ka hath tezi se pakad kar bola. 

    Acha lekin wo kyu......? Kalb e momin uski baton se thoda hayraan or bahut khush hua.

    Hnnn.... Waqai me. Or wo is liye taki meri tarha kisi bhi gareeb, beghar, or bhikari ki amma use yoon duniya, khali raston me tanha or akela chod kar na chali jaye. 

              By:inaya shahid